Monthly Archives: October 2008

La Nueva España, la gaita d’ Hevia y lo que nos dexa dempués….

Jose Angel Hevia y La Nueva España entamaron fai un mes , más-menos, a mercar gaites y un métodu de “faigaselu ustéd mesmu” pa deprender a tocar la gaita el tambor y que Josín nun tien muncho tiempu llibre si non también sedría “Faigase la so propia Orquesta Sinfonica, nos financiamos-i  el vientu maera”, na ye broma…….non me pude resistir.

Paezme tou per guapu yo mesmu compro el métodu coleucionable y fasta me presta dalguna cosa, como que’l numberu ún te dedicáu a Armando’l de Xixón maestru de Jose y artesanu que fixo les sos primeres gaites, paezme un detalle y un pequeñu reconocimientu a los que caltuvieron la gaita cuando nos nin siquiera hubieremos ñacio.

“Gaita y Tambor” de Jose Angel Hevia ye un trabayu prestosu, y aunque pa mi, didáuticamente, te muy lexos de lo que güei se necesita pal aprendizaxe de la gaita, respeto, pues facer una d’estes coses ye un trabayu dificil, y non dexa de ser la voluntá d’esparder el conocimientu y experiencia acumulau por el mesmu na so trayeutoria lo cual ye de agradecer y valorar.

El tema de la gaita financiá nun me paez nenguna cosa qu’aporte ventaxa dalguna, you fai años qu’ ufiertu alquiler de gaites con obción a compra lo cual si me paez una ventaxa d’interés pal que quier aniciase nel aprendizaxe de la gaita con baxu coste y bona calidá, pero bueno el casu cola Nueva España ye una maniobra empresarial perfeutamante válida y respetable, ufertando un produto al mercáu, bién…. agora…….. ¿que pasa col mantenimientu y serviciu post-venta d’esi instrumentu?………….. pues que práuticamente non existe.

Tou gaiteru o artesanu sabe de lo complexo que ye tener la gaita en condiciones, afinada y estable para tocar, agora ¿que ye? que los artesanos, dempues del barriu mediáticu ¿tenemos que facemos cargu d’estos instrumentos?, pués loxicamente ¡non! y sientolo polos alumnos nuevos que tengo que dempués del intentu de “faigaselu ustéd mesmu” caen nes escueles onde imparto gaita con un instrumentu qu’aunque ye dignu con una rellación preciu-calidá razonable non ta nin de cerca de ser tocable pola falta de serviciu d’afinación y empayueláu, y ye que un pianu por muy bonu que sella si non tien cuerdes non suena.

Bueno en resumies cuentes, si tas pensando en comprate una gaita d’estes pa deprender a tocar, entama primero por depredender a empayolar, dexote fasta información del que ye l’únicu sitio onde se pue deprender esto.

Por lo demás y visto lo visto agora cambiaré tornos y gubies por rotatives y tinta y entamaré a vender periodicos….

ATENCIÓN : *Correución gaites modelu Remis Lne

Categories: Uncategorized | 2 Comments

Troféu pa gaita ETIMTA

Primer ConcursoFue nel añu 2000 cuando l´ayuntamienu de Llangréu entama el “I Concursu de xóvenes solistas de gaita asturiana” a cellebrar na fiesta de la Virxen del Carbayu (patrona de Llangréu) la nuesa empresa ETIMTA S.L. donó pal certamen una gaita valorá en 176.000pts, fue el primer premiu ETIMTA y ganolu Rubén Alba.

Nes dos siguientes ediciones del 2001 y 2002 ETIMTA donó aportaciones economicas pal concursu que ganen Rubén Alba por 2ª vez y Jorge Suárez na última edición.

Logo S.Luis de La NuavaNel añu 2003  el concurso nel Carbayu desapaez pero recueyen el testigu la Asociación Cultural “San Luis” de la Nueva que dende´l añu 93 fai un concursu de Tonada Asturiana. Desde esi año crease  el PREMIU ETIMTA que ye de cálter económicu y ortorgase a la meyor interpretación de la pieza obligada na fase final del concursu que ganó Llorián García. El premiu repitese nes ediciones de 2004, 2005 y 2006 y ganenlo Angel Domingo, Hugo Noval y Rodrigo Joglar.

Pa’l 2007 el premiu entregalu el publico y nomase asina “PREMIO ETIMTA del PÚBLICU” pa la ocasión entregase otra gaita, ganola nesa Pablo Carrera.

Nel 2008 cambia la modalidá de gaiteru solista a pareya de gaita y tambor y ETIMTA sofita con 200 euros el premiu del público. Los ganadores d’ esa edición, son alumnos de la mio escuela, Adrián Moro y Fani Moro quedando terceru también Andrés Vázquez de lo cuales me siento muy orgulloso aunque pasaren 7 ediciones n´antes de poder ver ganar dalgun de los mios escolinos.

Na presente edición del concurso (2008/2009) como sempre la mio empresa ETIMTA S.L. sofitará nesta ocasión un premiu especial que otorgará el público del concursu de la Nueva, nesta edición la modalidá vuelve a ser de gaiteru solista.

Pa saber más del concurso de La Nueva visita la web de la Asociación de Vecinos de la Nueva.

www.lanueva.es

Pozu San Lluis na Nueva - Llangréu

Categories: Novedaes del mio taller | 3 Comments