DONACIÓN AL MUSÉU DE LA GAITA

“L’artesanu Chus Solís fexo ayeri donación al muséu d’un exemplar del manual tituláu “Instrucciones para tocar la gaita asturiana”, del tamién artesanu Andrés Menéndez Fernández. trátase d’un escritu impresu ensin fecha (de los años cincuenta) onde se despliquen les partes de la gaita y se ponen dalgunos conseyos pa facela ruxir.
El documentu ye, que sepiamos, el primeru n’Asturies que se para a describir téunicamente l’instrumentu y, anque ye curtiu, adelántase al primer métodu de gaita que sacare nos años ochenta’l gaiteru llaniscu Xuacu Amieva.
El nuesu agradecimientu a Chus Solís pola donación, que fai daqué más ricu al Muséu de la Gaita y al Muséu del Pueblu d’Asturies.”

Muséu del Pueblu d’Asturies, 18 de Febreru de 2014

DESCARGATELO EN PDF:

https://asturianbagpipe.files.wordpress.com/2009/07/instrucciones-para-tocar-la-gaita-asturiana.pdf

 

Gaita d’ébanu fecha por Florencio Arenas para Colás García

Gaita propiedá de Jose Luís Fernández Álvarez D’ébanu con anielles de marfil y hueso. Tién un preciosu vestíu fechu a manu con delles colgaxes per guapes. Foi restaurada una primer vegada por Diógenes García d’Uvieu y tá nun estáu impecable, exceutu el soplete que foi modificáu o non yea’l orixinal . Féxola Florencio Arenas para “Colás” natural de Cuérigo – Aller. Colás casouse en Levinco y coló pa Uviéu donde trabayo de condutor de tranvia y dempués d’ebanista nuna carpintería cerca Ventanielles. Deprendió a tocar la gaita con Antonio Menéndez Alonso “El pinche Viesca”. Ente los años 1963-1964 emigró pa Buselas donde tuvo de gaiteru nos grupos García Lorca y Puxa Asturias, dio también clases de gaita y deprendió a gaiteros como Toni Tamargo, torno pa Asturies en los 90 estableciéndose en Xixón fasta la so muerte alredeor del añu 1996. Colás vestía el mismo todas sus gaitas. Esta gaita foi un modelo poco vistu qu’Arenas deseño para un concursu de torneros cellebráu N’Uviéu.

Colás García